隨住父母年紀漸長，家庭要考慮嘅已經唔止係退休生活開支，仲包括醫療、日常照顧、交通、長期護理，以至將來應該居家安老定入住院舍。 香港現時其實有多項長者支援，包括現金津貼、醫療券、社區照顧服務券、院舍照顧服務券、護老者津貼，以及公共交通優惠。不過，每一項計劃嘅年齡、入息、資產、居港及護理需要要求都唔一樣，亦並非所有津貼可以同時領取。 以下整理咗嘅主要香港長者福利及支援措施，方便你幫父母或屋企長輩逐項檢查。 2026香港主要長者福利一覽 支援項目 主要對象 2026主要金額／優惠 長者生活津貼 65歲或以上、有經濟需要 $4,345／月 高齡津貼（生果金） 70歲或以上 $1,675／月 長者醫療券 65歲或以上合資格長者 $2,000／年 社區照顧服務券 有長期護理需要長者 $4,526–$10,824／月服務券價值 院舍照顧服務券 有院舍照顧需要長者 $17,015或$21,982／月服務券面值 低收入家庭護老者生活津貼 合資格低收入護老者 $3,000／月 公共交通優惠 60歲或以上香港居民 「兩蚊兩折」 廣東／福建計劃 選擇在廣東或福建養老嘅合