1｜食材來源有冇完整紀錄？ 供應商、入貨日期、食材批次、單據等資料最好保留。 如果之後需要追查事故來源，清楚知道食材由邊度購入、邊批貨出問題，可以大大減少調查困難。 2｜食物溫度控制做足未？ 食安中心建議，食物應徹底煮熟，中心溫度達攝氏75度或以上至少30秒。 如果唔係即時食用： • 熱食應保持在 60°C以上 • 冷食應保持在 4°C或以下 尤其自助餐、放題、酒店餐飲等需要長時間展示食物嘅場所，溫度紀錄更加重要。 3｜生熟食物有冇分開？ 生肉、海鮮、熟食使用同一套砧板、刀具或者容器，都有機會增加交叉污染風險。 除咗廚房流程，員工個人衞生、清潔消毒紀錄亦值得定期檢查。 4｜客人投訴時，有冇正式記錄？ 如果客人表示進食後不適，唔好單靠 WhatsApp 對話或者同事口頭記低。 最少應記錄： • 客人姓名及聯絡方法 • 用餐日期及時間 • 食過嘅食物 • 出現症狀嘅時間 • 有冇求醫 • 當日負責員工 • 同類投訴有幾多宗 呢啲紀錄日後無論係內部調查、政府跟進定保險索償都可能有用。 5｜有冇保留現場證據？ 事故發生後，唔好第一時間將所